SNAP: Yon pwogram pou w benefisye manje gratis nan Nouyòk

Plizyè imigran ki rive Nouyòk konn gen anpil difikilte pou yo jwenn manje akoz mwayen yo poko pèmèt yo. Erezman, genyen plizyè pwogram distribisyon kote òganizasyon yo akonpaye imigran yo nan ba yo kit alimantè. Konsa tou, genyen pwogram piblik ki asire yo moun yo resevwa manje yon fason regilye. Nan gid sa a, n ap bay detay sou pwogram SNAP la.

SNAP

An anglè SNAP se Supplemental Nutrition Assistance Program. Sa vle di, pwogram asistans manje adisyonèl. Anpil moun konnen l sou non Food Stamp tou. Se yon pwogram ki la pou ede moun ki pa rantre gwo lajan yo, benefisye manje nan makèt yo. Pwogram SNAP la non sèlman pou fanmi ki rantre ti kras lajan chak ane, li la tou pou granmoun ak moun k ap viv ak yon andikap.

Moun ki elijib nan pwogram SNAP la itilize yon kat ki rele EBT (Electronic Benefit Transfer) pou yo kapab achte manje nan boutik ak nan makèt yo. Chak mwa, leta ajoute kredi SNAP la sou kat EBT a pou benefisyè yo kapab itilize tankou lajan pou yo ache manje nan yon seri makèt ak boutik leta otorize.

Lè ou benefisye SNAP, ou kapab achte pen ak sereyal, fwi ak legim, vyann ak pwason, pwodui ki fèt ak lèt. Ou kapab achte semans k ap pèmèt ou plante pou w jwenn manje pou w manje.

Men, li entèdi pou w achte bwazon ki gen alkòl tankou byè, diven, likè. Ou pa kapab achte sigarèt, ak tout lòt pwodui ki pa manje. Pa ekzanp, ou pa kapab itilize SNAP pou w achte papye ijyenik, savon, medikaman, elatriye. Ou pa gen dwa tou achte manje ki tou pare tankou pla cho yo.

Kijan yon moun elijib?

Pou w benefisye pwogram SNAP la, gen yon seri kritè ou dwe ranpli. Si w se yon immigran, ou dwe gen rezidans legal Etazini pou w elijib. Si ou se yon imigran iregilye, oubyen, si ou se yon imigran k ap viv Etazini depi mwens pase senk ane, gen yon seri restriksyon k ap genyen pou ou. Sof si ou nan gwoup moun ki refijye yo, moun ki viktim fòm trafik ki grav yo (moun ki gen viza T yo), moun ki benefisye azil, oubyen moun ki gen otorizasyon pou yo pa depòte yo.

Yon moun elijib sou baz kantite moun li genyen nan fwaye l, ak kantite lajan li rantre.

Kijan ou kapab aplike?

Ou kapab aplike pou SNAP sou entènèt sou lyen sa a. Ou kapab aplike nenpòt ki lè ak nenpòt ki jou. Anvan ou aplike, asire w ou genyen dokiman sa yo:

Kat sekirite sosyal ou
Yon souch chèk ki resan
Dokiman ki bay prèv lajan ou peye kay oubyen apatman w ap viv la
Dokiman taks ou peye sou kay ou genyen an
Fich asirans kay kote w ap viv la

Ou kapab ranpli fòmilè aplikasyon an, apre sa, ou voye l pa lapòs, oubyen Fax bay biwo sèvis sosyal lokalite w la. Lè w voye aplikasyon w lan ale, depatman sèvis sosyal la kapab kontakte w si l bezwen enfòmasyon anplis pou detèmine si w elijib. Depi w elijib, w ap resevwa SNAP la nan mwens pase 30 jou.

Ou kapab ale an pèsòn pou w aplike pou SNAP la nan youn nan depatman lokal sèvis sosyal yo. W ap jwenn adrès yo la a. Oubyen ou kapab ale nan yon biwo SNAP. Men adrès yo nan Nouyòk:

Bronx

Concourse SNAP Center:

Adrès: 1375 Jerome Avenue, 2nd Fl., Bronx, NY 10452

Lendi rive Vandredi 8:30 am to 5:00 pm

Crotona SNAP Center:

Adrès: 1910 Monterey Avenue, 5th Fl., Bronx, NY 10457

Lendi rive Vandredi 8:30 am to 5:00 pm

Hunts Point SNAP Center:

Adrès: 845 Barretto Street, B-Level Fl., Bronx, NY 10474

Brooklyn

Lendi rive Vandredi 8:30 am pou 5:00 pm

HRA Benefits Access Center Coney Island:

Adrès: 1912 Mermaid Avenue, 1st & 2nd Fl., Brooklyn, NY 11224

Lendi rive Vandred 8:30 am – 5:00 pm

East New York SNAP Center:

Adrès: 404 Pine Street, 1st Fl., Brooklyn, New York 11208